Serbski sejm se pódeprějo wót prezidenta parlamenta Nimskorěcnego zgromaźeństwa Belgiskeje

W ramiku LUSATIA GLOW, wót Serbskego sejma sobuinicíěrowaneje inowatiwneje metody europejskeje integracije pśez granice pśekšacajuce regionalne kultury, a wót njeje huchadajuceje wótnožkoweje iniciatiwy EIFEL GLOW w Pódzajtšnej Belgiskej, jo wót 28.09. do 01.10.2023 na pśepšosenje mjazynarodnego gibanja SLAVONIC EUROPE serbski parlament hoglědał do Belgiskeje, a bu wót Charlesa SERVATYJA, prezidenta parlamenta Nimskorěcnego zgromaźeństwa Belgiskeje (DG), pśiwitany. Pód wjednistwom Tomaša ČORNAKA, pśedsedarja huběrka za wenkowne Serbskego sejma, jo serbska parlamentariska delegacija w měsće Eupenje, administratiwnem srjejźišću Pódzajtšneje Belgiskeje, diskutěrowała formy kubłańskeje a kulturneje  awtonomije kaž teke wó tom, kak móžo se skšuśiś struktura serbskego parlamenta. Pśiduce zgromadne źěło a dwójobocna huměna mjazy Łužycu a Pódzajtšneju Belgiskeju stej planowanej.

Diskusija z pódzajtšnobelgiskim Ministeriumom za kubłanje, slěźenje a wótklubłanje, zastupjonym pśez dr. Jensa GIESDORFA, jo hobswětliła konkretnu wašnju funkcioněrowanja pódzajtšnobelgiskego kubłańskego systema a jogo hobstojnosćow ako husegujucy funkcioněrujucy system kubłańskeje awtonomije.

Z hoglědom w měsće St. Vith, drugem wažnem centrumje pódzajtšneje Belgiskeje, a kooperaciskimi rozgronami z tam zasedlonym kulturnym forumom ARSVITHA, zastupjonym pśez jogo direktora Jana PIETTE, jo se belgiska ekskursija Serbskego sejma zakóńcyła.

Slědujucy link wjeźo k rozpšawje pódzajtšnobelgiskego telewizijowego a radijowego sćelaka BRF wó hoglěźe: https://brf.be/regional/1762087/

Taka jo prědna reakcija prezidenta parlamenta pódzajtšneje Belgiskeje Charlesa SERVATYJA: https://www.instagram.com/p/Cx5Y2f0rmWz/