Serbske ludowe zastupnistwo
Sorbische/wendische Volksvertretung
Sorbian/Wendish People’s Representation

Serbski sejm a SPD w rozgronje wó serbskej kulturnej a kubłańskej awtonomiji

Dnja 12. aprila su se zmakali zastupniki Serbskego sejma ze strońskim a frakciskim wjednistwom sakskeje SPD. W srjejźišću wuměny jo stojało w aktualnem drogronje wustajone pśewóźowanje dialoga wó wěcej pšawow za sobupowědanje, sobuwugótowanje a samopóstajowanje serbskego luda. Wótpósłańce sejma su ze swójogo wiźenja pśedstajili slězynu a pótrjebnosći samopóstajucego zjadnośeństwa wósebnje ako nosaŕ kubłańskeje awtonomije.

Politikarjam SPD jo wažne, až serbski lud w swójej wjelerakosći namakajo pśipósłuchanje na krajnopolitiskej rowninje. Togodla se intensiwnje woplěwa wuměna ze zastupnikami wšakorakich organizacijow. Dirk Panter, Kathrin Michel a Sabine Friedel su w rozgronje wuzwignuli, až jo mimo spěchowanja rěcy a kultury teke wiźobnosć serbskich nastupnosćow w zjawnych diskursach wažny element za pśipóznaśe serbskeje identity. Pśi jadnom z pśiducych rozgronow deje se w Serbskem sejmje naźěłane naraźenja za statne dogrono bližej pśedstajiś.

Foto v.l.n.r.: Sejm-Abgeordnete Měrćin Krawc, Tomaš Wornar und Christine Ruby / Kathrin Michel (MdB und SPD-Co-Landesvorsitzende), Sabine Friedel (sorbenpolitische SPD-Fraktionssprecherin), Dirk Panther (SPD-Fraktionsvorsitzender) - Quelle: SPD-Fraktion

Slědk