Pśepšosenje na casnikaŕske rozgrono

Serbski sejm pśepšosujo wjelgin wutšobnje na casnikaŕske rozgrono do Barlinja. Wótpósłańce a Londonski pšawizniski team renoměrowanych luźiskich a ludowych pšawow informěruju wó slězynach a pśiducych kšacach k wótběžonemu ultimatumoju Serbskego sejma na zwězkowe kněžaŕstwo, indigenity pšawa serbskego luda pśipóznaś, a stajaju se Wašym pšašanjam.

Termin: pónjeźele, 3. julija 2023
Cas: 12:00 góź. zeger 13:00 góź.
Městno: zejźenišćo zwězkoweje casnikaŕskeje konference, Schiffbauerdamm 40, 10117 Barliń/Berlin

Rozgranjańske partnarje:

Serbski sejm

• Jadwiga PJACEC, cłonk Serbskego sejma, Njebjelčicy, DE
• Hajko KOZEL, cłonk Serbskego sejma a pśedsedaŕ pšawniskego wuběrka, Njebjelčicy, DE

Konsortium narodnopšawizniskich pšawow[ Doughty Street Chambers London, UK

• Prof. Marc WELER, University of Cambridge, Doughty Street Chambers, London, UK
• Margherita CORNAGLIA, Doughty Street Chambers, London, UK
• Stephen POWLES KC, Doughty Street Chambers, London, UK (pśez Zoom)

Temy rozgrona:

1. Oficielne zwěsćenje, až tśimjasecny ultimatum na zwězkowe kněžaŕstwo, pśipóznaś indigenitne pšawa serbskego luda, jo formalnje pětk, 23.06.2023 w połnocy wótběgnuło
2. Bilanca ultimatuma / 2 casnikaŕskej konferency z wjelikeju medijoweju rezonancu
3. Situacija serbskego luda w Zwězkowej republice / skjaržbu pśed nimskimi a mjazynarodnymi sudnistwami a institucijami

Slězyna:

Serbski lud jo pśed něźi 1.500 lětami pśišeł do regiona Łužyce, źož bydli źinsa něźi 60.000 Serbow. Serbski sejm, prědny w l. 2018 z powšyknych, njepósrědnych, lichych, jadnakich a pótajmnych wólbow wujźecy parlament Serbow w Nimskej, źěła politiski na zakłaźe Zakładneje kazni a mjazynarodnego pšawa a pó konsensowem principje. Sejm wobstoj ze 24 cesnoamtskich wótpósłańcow a schadujo se pšawidłownje na se wótměnjajucych městnach we Łužycy. Wšykne wobzamknjenja a protokole su lichotnje pśistupne pód www.dokumenty.serbskisejm.de.