Serbski sejm dóstanje podpěru prezidenta parlamenta němskorěčneho zhromadźenstwa Belgiskeje

W ramiku LUSATIA GLOW, wot Serbskeho sejma sobuiniciěrowana inowatiwna metoda europejskeje integracije pśez hranicu překročace regionalne kultury, a wot tuteje wuchadźaceje wotnožkoweje iniciatiwy EIFEL GLOW we Wuchodnej Belgiskej, je wot 28.09. do 01.10.2023 na přeprošenje mjezynarodneho hibanja SLAVONIC EUROPE serbski parlament sej dojěł do Belgiskeje a bu wot Charlesa SERVATYJA, prezidenta parlamenta Němskorěčneho zhromadźenstwa Belgiskeje (DG), přijaty. Pod nawodom Tomaša ČORNAKA, předsydy wuběrka za wonkowne Serbskeho sejma, diskutowaše serbska parlamentowa delegacija w měsće Eupenje, administratiwnym srjedźišću Wuchodneje Belgiskeje, formy kubłanskeje a kulturneje awtonomije kaž tež wo tym, kak móhła so struktura serbskeho parlamenta skrućić. Planujetej so pokročowanje přichodneho zhromadneho dźěła a dwustronska wuměna mjez Łužicu a Wuchodnej Belgiskej.

Diskusija z wuchodnobelgiskim Ministerstwom za kubłanje, slědźenje a wukubłanje, zastupjenym přez dr. Jensa GIESDORFA, wobswětli konkretne wašnje fungowanja wuchodobelgiskeho systema kubłanja a jeho wuměnjenja jako wurjadnje fungowacy system kubłanskeje awtonomije.

Z wopytom w měsće St. Vith, drugim wažnym srjedźišću Wuchodneje Belgiskeje, a kooperaciskej rozmołwu z tam zaměstnjenym kulturnym forumom ARSVITHA, zastupjenym přez jeho direktora Jana PIETTE, je so zakónčiła belgiska ekskursija Serbskeho sejma.

Pod slědowacym linkom namakaće rozprawnistwo wuchodnobelgiskeho telewizijoweho a rozhłosoweho sćelaka BRF wo wopyće: https://brf.be/regional/1762087/

Slěduje prěni wothłós prezidenta parlamenta Wuchodneje Belgiskeje, Charlesa SERVATYJA: https://www.instagram.com/p/Cx5Y2f0rmWz/