Serbske ludowe zastupnistwo
Sorbische/wendische Volksvertretung
Sorbian/Wendish People’s Representation

Nadběhi na křiže wokoło Kulowa

Jeznaći skućićeljo su pola Kulowa cyłkownje štyri Chrystusowe křiže hrubje wobškodźili abo zawlekli. W kónčinje katolskich Serbow stawaja so na křesćanske symbole přeco zaso podobne ataki, kotrež začuća wěriwych ludźi hłuboko ranja. Nic jenož serbscy křesćenjo, ale cyła serbska zhromadnosć dožiwja tole jako nadběh na swoje sebjezrozumjenje, jako pospyt, jich ponižić. Čłonojo Serbskeho sejma su zatřaseni a zasudźeja kriminelne jednanja.

Ničo njeje lóšo, hač złóstnikow zasudźić, a ničo njeje ćešo, hač tajkim jednanjam zadźěwać, dokelž sy přećiwo tajkej hłuposći normalnje bjez wobara. Ani z protestami ani přez někajku statnu namóc njehodźi so tu něšto wuhotować. Trjeba zmužitosć k čłowjeskosći a žada sej, hłosej rozuma sćěhować. Bjez prašenja eksistuje rjad přičinow a wuměnjenjow, tajku barbarstwo wujasnić. Měr a dorozumjenje dołhodobnje je pak jenož móžno, hdyž so poradźi, w njespektakularnym wšědnym dnju kaž w konfliktnych situacijach na wzajomne wašnje mjez sobu wobchadźeć a wotewrjene być za wzajomne dorozumjenje. To pak njewuswobodźi statnu porjadnisku móc, tajkim nadpadam zadźěwać, sćěhować a wotpowědnje chłostać.

Wróćo