Serbske ludowe zastupnistwo
Sorbische/wendische Volksvertretung
Sorbian/Wendish People’s Representation

Kónc zapisanja do wolerskeho zapisa za wólby do Serbskeho sejma 2018

Wot 01.05.2018 hač do wčerawšeje soboty su so Serbowki a Serbja do wolerskeho zapisa za wólby do Serbskeho sejma 2018 zapisać móhli. Hačrunjež su so prócowanja wo ludowe zastupnistwo přez wobstejace struktury wobćežowali a tak w ludźe strachi před demokratiskimi změnami wjazali, su so 1.270 požadanjow zapodali. Z tutych su něhdźe 70 % z Łužicy, 15 % z Berlina, Lipska a Drježdźan kaž tež 15 % ze zbytneho zwjazkoweho kraja.

Wólbny wuběrk wuposćele přichodnu póndźelu posledne wólbne podłožki. Wolerjo su prošeni, frankěrowane wólbne listy hač do najpozdźišeho 01.11.2018 do póšty dać, zo bychu 02.11.2018 do jednaćelnje dóšli. Posledni dźeń listowych wólbow je sobota, 03.11.2018. Na tutym dnju hodźa so wólbne listy hač do 10 hodź. wosobinsce wotedać, prjed hač so wuličenje hłosow započina.

Wróćo