Hišće 1 tydźeń - Serbski sejm na finišowej čarje
by Gunnar Schneider
Wólbny wjednik za wólby Serbskeho sejma, dr. Hagen Domaška, namołwja wšitkich, kótřiž su wólbokmani, ale njejsu dotal wolili, zo bychu tež wotedali swoje hłosy k zmócnjenju prawow serbskeho luda na samopostajenje.
„Hišće hač do 27.10. wobsteji móžnosć, so dać zapisać jako wolarjo přez wućišćany formular abo na www.serbski-sejm-2018.org. Potom dóstanjeće wólbne podłožki, kotrež dyrbiće hač do soboty, dnja 3.11., w 10:00 hodźinach wupjelnjene wróćo pósłać do wólbneho běrowa w gmejnskim zarjadnistwje w Njebjeĺčicach/Nebelschütz (dochad posyłki).
Přeprošuju wšitkich zajimcow a žurnalistow, zo bychu so wobdźělili na so přizamknjecym wuličenju hłosow a wozjawjenju wólbneho wuslědka.
W zańdźenych tydźenjach smy zwěsćili rosćacy zajim wolarstwa na wólbach. Nětko je wažne, zo so hłosy sčasom k nam wróćo sćelu, zo bychu płaćiwe byli“, tak dr. Hagen Domaška.
K wólbam woprawnjeny jo kóžda/kóždy, kotraž/kotryž so wuznaje jako přisłušnik serbskeho luda, wot 16 lět, njewotwisnje wot městna bydlenja w Zwjazkowej republice Němskej, kaž tež njewotwisnje wot rěčnych kmanosćow.
Předstajenje kandidatkow a kandidatow: www.serbski-sejm.de resp. Sejm-TV
Připowědź: Hižo nětkole skedźbnjamy na popołudnjo soboty, dnja 17.11.2018, planowane konstituowanje Serbskeho sejma a přeprošujemy na to. Městnosć a dokładny čas sčasom wozjewimy.